السلام عليكم ورحمة الله وبركاته
ياصباح الفُل والسرور ياأصدقاء
الحمدلله خلصت دراسة جامعة 😱، خلصت الـ٥ سنوات 💃
أحسني أبي أحط تدوينات عن اشياء صارت خلال الخمس سنوات واختصرها
بس حالياً أبي أحمسني للإجازة
أبي أرووووق، أسوي لي روتين صباحي : هنا فيديو مفيد للي يبي يسوي له
فالخطة اللي أبي أسويها كالتالي :
الروتين الصباحي فيه 🌞 :
رياضة خفيفة وتمغط " تمدد "
سكيتج صباحي يومي
أحفظ ورد قرآني
ــــــ
برا الروتين
أقرا ١٠ كتب 📚
" أبي أحدد عدد صفحات لأن أدري أفضل
منه أنه تحطين عدد كتب، بس ماأعرف كم أقرا باليوم 🌚"
تدريبات رسم فيها :
تشريح حيوانات
رسم شخصيات باختلاف اعمارهم واجناسهم
ابتكار شخصيات
خط :
خط رقعة
خط أنجليزي مشبك " Copperplate style"
تدوين أسبوعي
ـــــ
أفكر كل مرة أسوي شي أحط عنده صح وأنزل تدوينه عنه لما أخلصه ويكون من التدوين الأسبوعي
ولازم أعدل المسودات في المدونة وأنزلها، عندي كمية مسودات مب طبيعية 🌚🌚🌚.
للحين ماقررت بالنسبة لو بشتغل ولاباخذها راحة، ابي اقرر وانا بنص الإجازة يمكن بعد رمضان، الان الخطة هي الإستمتاع أولا والإستفادة بخطتنا الي فوق.
وبس نرجع لآخر إختبار ونذاكره بعد ماتحمسنا للإجازة وخططت لها
لأني كنت أتهرب حبة من المذاكرة بكتابة هالتدوينة 😂
يومكم سعيد يأصدقاء ! ⭐⭐
ليست هناك تعليقات:
إرسال تعليق