أبي أكون أفضل هذا الشعور اللي أعيشه هالفترة، بكل حب أبي أكون أفضل، وحزن لأني ماصرت أفضل، وغضب لنفسي لأني أأجل مشاريعي وخططي وأهدافي، فمريت بمرحلة صعبة مع أني في وضع مستقر، تخرجت وعلى طول التحقت بوظيفة مؤقته ولطيفة والجو لطيف وماعندي مشاكل عويصة، المهم لو حسيت بهالشعور لما تنتهي مرحلة مهمة بحياتك، وتوصل لمرحلة أحياناً تحس بالإنجاز بس بنفس الوقت تحس بالضياع .. إيش هي النقطة التالية ؟ يمكن أنا أعرف إيش النقطة التالية من قبل بس أحسها لأ مش هي، أحس في شي ناقص مفروض أسويه الحين، وممكن يجيك إحساس : أبي أكون أفضل، أو أبي أكون في مكان أفضل .. أو تبي شي بس موقادر توصل له ؟
بس في داخلي كنت مو مرتاحة، كنت أحسني أحتاج وقفة حقيقية مع نفسي وأدعي ربي أنه يشرح لي صدري.
ــــــ
ثاني شي أحتاج أفكر
ليه ؟
إيش الهدف من هذا كله وليه أنا عالقة ؟
ممكن تبي تكون في وظيفة أفضل
أو ممكن تبي تحقق أهدافك اللي للحين تنتظر تحقيق
أو ممكن تبي تترك أثر في الحياة
أو ممكن ...
ــــــ
سؤال لـ مين ؟
هنا فديو ألهمني جداً بسؤاله .. لمين تبي تثبت نفسك ؟ السؤال اللي في العادة بنجاوب عليه بـ : لنفسي
شوفوا المقطع وبعدها جاوبوا من جديد : ملاحظة : خطروا للدقيقة 27
ــــــ
بعدين أرجع أحاول أرتب نفسي وأجاوب
كيف أكون أفضل ؟
واسأل نفسي أكثر
مين أنا؟ إيش سلبياتي ؟ إيش إيجابياتي ؟
كيف أعالج سلبياتي ؟
كيف أطور نفسي ؟
إيش أبي أتعلم ؟
إيش الأهداف اللي للحين ماحققتها وأبي أحققها ؟
حاول تدون الإجابات في مكان ما
وممكن تبحث عن الحل والإلهام لإيجاد الحلول من : كتب، كتاب، مدونات، يوتيوب، آلخ..
من القنوات اللي فيها الكثير من الأجوبة لاسئلة دايم اسألها زي كيف أنجز أكثر، كيف أذاكر بطريقة أفضل، روتين أفضل أو أقرا بشكل فعال .. أشياء زي كذا واكثر وكلامه منطقي ومفيد هنا الرابط
ــــــ
خططي ولو مليون مرة
لـــمّــــــــــــــــــــــــــــــن تـبديـن تــنــفــذيــن
لأن في مرات كثيرة نخطط بس مانبدا..
فلاتستلم ولاتوقف جرب مليون مرة أنك ترجع تنظم نفسك
بهالفترة كتبت خطتي وأهدافي ٥ مرات وكل مرة كنت ماأتحمس للتنفيذ لمن المرة الخامسة بديت أنجز من جديد ..
ــــــ
وأكثر شي فادني
أحساسي بالإنجاز
دور لك طريقة أنك تحس بالإنجاز
من الطرق :
أدون يومياً قبل ماأنام إيش أنجزت بدفتر
ممكن تحطها ببوست وتسويمنها أوريجامي نجمة وتجمعها بعلبة لمن يصير عندك علبة من النجوم واللي تعبر عن إنجازاتك ؟
ممكن تكون تطور يشبه تطور الديجتال كل ماتوصل لنقاط معينة تصير مخلوق متطور أكثر ؟
ممكن تكون ستيكر تتجمع زي لوحة الشرف بأيام المدرسة ؟
أبتكر طريقة تحسسك بالإنجاز ولو وقفت بعد فترة لاتوقف وجرب طريقة ثانية المهم تكمل متحمس !
ــــــ
آخر شي طبيعي أنك تمر بمرحلة ماتثق فيها بنفسك، تحس أنك تبي تكون أفضل
المهم أنك تاخذها من نظرة إيجابية بعد ماتنفس وتضيع وقتك وكل شي .. تقدر تحتوي كل هذا وتصير أفضل وتحب نفسك أكثر مثل ماأنت وتعرف أنك بتوصل للي تبيه لأنك قاعد تشتغل على نفسك.
أتمنى لكم يوماً سعيداً مريحاً لطيفاً ياصحب
ولو عندكم أراء تساعد الأشخاص اللي يمرون زيي بهالحاله، لو مريتوا فيها .. هاتوا فيدونا بالتعليقات ياأصدقاء
نورة الحميدي
ليست هناك تعليقات:
إرسال تعليق